因為亞蘇效應，個日實在多人到等位都等死呀！結果，買左個菠蘿油行街就算啦！上到車食覺得都好食，但唔熱，凍冰冰既！我以為係外賣，所以冇整熱！算佢啦~~
今日，係閒日，我諗應該會小d人，所以再駕車去多次。今次真係小好多人啦！仲有位泊車添！我同男朋友兩個人，叫左一個菠蘿包、一個豬扒包、一碗餐蛋麵、一杯紅豆冰同埋一杯涼粉冰。逐樣講啦~~~~~~~~
菠蘿包：今日坐低食，但原來佢地都係唔會整熱既，算好食，但真係唔係好食到好似亞蘇 個樣咁啦！我個人覺得，旺角好出名個開好食d
豬扒包：個包軟熟，件豬扒都好味！仲有幾條洋蔥係入面吊下味，good~
餐蛋麵：非常求其，如果唔係咁肚餓，唔好叫！
紅豆冰：最好係呢個，d紅豆真係好大粒，口感一流呀！而且唔會太甜，好味！
涼粉冰：都算好味，唔太甜！
總而言之，可以的話，唔好假期黎呀！豬扒包係假期既日子要等超過半個鐘架！
