Ocio (積存街) (已結業)

大围真系好多餐厅，今次拣左Ocio呢间西式小店店既面积唔算好大，座位唔算多，但内在装修好有心思，有唔同既海报同粉笔画同各种装饰。食物方面，我地叫左一份芝士蘑菇酿春鸡。半只春鸡酿满芝士汁同新鲜蘑菇片，唔系一般既烤鸡旁边比碗汁你，所以鸡肉保持到好juicy，好嫩滑，而另一边冇汁既鸡皮都烧到好脆。伴碟有小小茄汁豆，炸薯条同黑醋沙律，份量十足好饱肚！另外叫左假日午餐 - 黑松露带子意大利饭，虽然带子唔系大粒个种，而系珍珠带子，但黑松露汁真系做得好浓，意大利饭都软硬适中。饮品方面，加钱要左一杯热既榛子咖啡，上面充满奶泡，咖啡味香浓，配上淡淡榛子味，不错不错。另外都叫左一杯香蕉朱古力奶昔，一入口香蕉味好浓，之后慢慢渗出朱古力味，奶昔黎讲唔算好稠，但都好饱肚。总括黎讲，食物质素中上，价钱合理，经过大围都可以黎试下。