潮江春 (上水匯)

营业中

休息中

難得老闆請食團年飯，當然要黎啲高檔啲既地方食啦。呢間野都多人幫襯，所以都早左黎攞位。座位比普通茶樓闊，台同台之間既通道都闊。蠔仔粥雖然唔算大煲，但好足料。粥唔係稀到無倫果啲，你仲睇到一粒粒米，似足住家煲嘅粥。蠔仔數量多，唔係得少貓34隻hea爆。牛仔粒每一粒都切到差唔多size...但就細粒左啲。味道食落好似和牛feel，軟硬適中。雪山包好在外面個雪山皮唔會一咬就掉哂落黎，裡面叉燒量都ok，唔會散收收。呢個鵝片我覺得超正大大塊入哂味又唔韌。掌翼無食不評論。白菜仔呢個餃咬落去都幾煙韌，蝦肉同菜量適中。金錢肚我嫌佢稍為大件左牛肉腸ok裡面係芋頭呢個唔使點醬都覺得咸左啲。