吃吧 (僑建大廈) (已結業)

呢間喺旺角近油麻地地鐵站嘅樓上Cafe都開咗好多年，之前同朋友食過覺得唔錯，今日中午經過就再上去試吓。雖然餐牌唔係話好多選擇，但係應該要有嘅都有，有意粉意大利飯同埋扒類，仲有沙律小食pizza同埋甜品 都好多選擇。叫咗個雜菌松子仁芝士忌廉意粉，松子味特別香濃，芝士味都好足。另外一個主食要咗個慢煮香草牛柳配松露大啡菇，牛柳好友肉味 配埋松露好夾。小食叫咗墨西哥粟米片，有牛油果醬酸忌廉同埋蕃茄牛肉醬，每一款同粟米片都好夾 撈埋一齊食定係分開食都好好食。飲品比較推薦曲奇朱古力奶昔 類似沙冰咁樣，但朱古力味好濃。