九份•十分 (河畔花園) (已結業)

住喺呢區嘅朋友今日放假，於是約左我黎河畔呢邊食lunch。我地1點黎到，門口已經企左好多人，好彩自己禁飛夠方便，等左一陣就有得入。Lunch set價錢幾抵，嘅選擇都好吸引，我地叫左C4同C14兩款、兩杯小食同兩杯野飲。先講小食，麻醬粉皮好香麻醬味，唔會過稀，粉皮幾滑。鴨舌份量比想像中多，醃得幾入味，下次黎會再叫🤓我個滷水雞脾肉燥飯賣相好正！大大隻滷水雞脾真係睇到都流哂口水🤤🤤🤤 雞脾肉質嫩滑，滷水醃到入哂味，又唔會過咸，好食！配料仲有滷水豆腐、咸菜同半隻蛋，我一個人係食唔哂😂我朋友個撈麵都好誇張！麵堆到好高，份量好大，有少少新年食「撈起」嘅感覺🍝醬料撈得好均勻，每啖都層次豐富，好refreshing!兩杯野飲都唔錯。個芝士奶蓋又香濃又滑，下邊嘅紅茶亦唔會過甜，可以balance番奶蓋嘅濃味。