老馮茶居 (荃灣千色匯II)

营业中

休息中

元朗名店老馮茶居而家荃灣都有分店喇，裝修同樣懷舊味十足。等左一陣就可入坐，睇下食咩先，太多野想食，最後揀幾樣餐牌推介先😋⭐招牌牛腩腸粉腸粉好滑，牛腩炆得軟腍入味，好食到牛腩汁都撈晒。⭐臘味芋頭糕蒸蘿蔔糕就成日見啦，芋頭糕就少啲啦，叫左一籠試下。芋頭切粒有口感，臘肉肥美，芋頭糕食落又香又好食。⭐金牌魚翅餃越黎越少見嘅魚翅餃呢度有喎，試下先～入面有豬肉、蝦肉、芫茜、紅蘿蔔、粉絲等，外皮包起一褶褶，隻隻大大隻又飽滿，鮮味好食👍⭐古法牛肉球牛肉、芫茜、馬碲嘅經曲組合，驚喜唔大，但超大粒好抵食😆⭐魷香肉餅飯魷魚肉餅飯甜豉油係靈魂～加上粒粒米軟硬適中，正。⭐古法千層糕最後就係甜品，呢樣真係要食，失傳啦！功夫太多好多師傅都唔願做🥲剛蒸出黎嘅千層糕軟綿綿，啖啖都係鹹蛋黃香味，實在太好食了😭小店唔少遊客打卡，真係帶黎唔少童年回憶。