BELLY BOYS (已搬遷) 新店位置

我一路都覺得香港既burger差小小，我成日都覺得burger 就係應該快！靚！正！高級既Gourmet burger 唔夠「溫度」而且貴！連鎖店嗰啲又唔夠誠意，直至無意中見到belly boys 係外賣平台，就買來試吓，可惜繁忙時間加落雨，送到屋企個包已經林晒soggy左，但我好surprise 個patty 又香又juicy，唔會煎到乾晒，一直念念不忘，覺得一定會有一日去堂食。作為灣仔區居民，終於的起心肝特登經過，我覺得我搵到了, burger 應該就係咁！熱辣辣嘅飽，香噴噴嘅patty，仲有半溶既cheese, 重點係trio buger套餐打完折都只係$95 又隔左一個月，又路過，決定二訪，質素穩定，從來諗都冇諗過寫食評，但係因為呢個burger 驚艷左我！覺得一定要分享！