班戟館 (已結業)

平時都好少入開來屯門，今次既然入嚟，就要試吓朋友所講嘅好好食班戟。原來虹橋都真係有幾多嘢食架，嗰度附近有小食檔，買下全消，仲有幾間新開嘅甜品店，夜晚食完飯過嚟就可以食下甜品，食下消夜。叫咗呢個只係得星期五先有嘅三層souffle pancake，每層睇落都係好厚,但係好輕飄飄, 好有空氣感咁。食落去覺得咁都唔錯,唔會話好似食緊空氣感,乜都冇。佢嘅蛋味都好濃，加埋藍莓芝士雪糕，有cream Cheese 鹹香，藍莓嘅甜美，加埋pancake, 一凍一熱真係好好食！