覓廚

第一次幫襯呢間南區小店， 睇得出 係家庭式主理。
食物款式都好多樣 ，尤其係海鮮。 同埋比起其他串燒店有樣好就係都有啲烏冬粉麵可以食， 唔怕淨食串燒唔飽。 佢一個價錢基本上都係兩串， 除非指明嗰啲係例外。
燒豬腩肉係超級推介， 燒得好香仲有少少脆邊， 就算係豬腩肉食落都唔會覺得好油膩。 而其他串燒份量都好足， 雞腎全部都大大粒。 同埋每個串燒都有唔同嘅調味，口味唔會咁單一。 而飲品價錢都算合理， 見週圍都多街坊客嚟食。
回頭指數⭐️⭐️⭐️⭐️⭐️

燒豬腩肉

清酒煮花甲

1