金裝茶館

知道呢間點心店新開，見到OP幾篇食評都有讚，咁啱屋企有事出唔到街，於是經FP叫外賣。


圖中有樣嘅呢幾樣點心都係有問題嘅


1. 先食蝦餃，通常蝦餃唔得其他都唔會好得去邊🌝蝦餃啲皮勁厚，啲餡又唔飽滿，蝦肉偏韌，唔夠新鮮。

2. 燒賣有浸奇怪味道，都係餡唔新鮮，仲要有勁大舊肥膏喺面。

3. 雞扎好唔正宗，未見過用粟米芯做餡，雞肉嚡口，味道偏淡。

4. 叫叉包變菜肉包，初頭仲諗點解叉包咁細個。呢個菜肉包都係超古怪，裡面勁多薑，一聞好大陣薑味，當然唔會好食啦。


其實咁嘅質素學咩人開店呢？
我相信今次唔關堂食定外賣事，希望師傅練好手勢先，同時希望食客唔好昧著良心讚好。