粗菜館 (已結業)

有點名大於實，唔係唔好味，但未至於~去食都係因為一個字，”近”~預祝父親節，同爸爸，媽咪同埋男友去左呢間平時排隊排到傻既試下~其實樣樣都好食，不過平時大排檔都係食呢d,樓下菜餐廳食飯又係食呢d,不過佢係好味既~凍魚皮，呢個出晒事，硬到咬唔陏~招牌炒魚腩，冇咩味，媽咪煮得好食過佢一千倍~招牌炒豬雜，普通，豬肝唔係想像中咁鮮嫩，係粉肝，本人唔中意~不過d蔥好惹味~魚香茄子煲，呢個得!好香唔咸，味道岩岩好!芥末炸蠔，呢個係我最愛，佢d蠔好大隻好新鮮，炸粉唔厚而且隻蠔會爆汁~大大隻乳鴿，好大隻既乳鴿，個汁好味但隻鴿好老~豬油撈飯，um....我記得細個d豬油係白色一舊舊，可能熱左變左油，都香既....總結來講都算好食，不過冇咩鑊氣~