1仔冰室 (已結業)

平時都會去茶餐廳同冰室開飯，鍾意佢款式多元化之餘口味又夠地道，基本上每個人都會去呢度品嚐一下美食，由港式早餐以至傳統炒粉麵飯，唔少得家常小菜呢度人氣必點美食。早排又去左紅磡呢間冰室開飯，當然每間冰室都會有佢地招牌特色美食，識食一定要食番個是日精選晚餐下午6時起供應，又有多款菜式選擇。我就點左呢款韮黃蝦仁細帶子炒蛋，晚飯套餐奉送白飯一齊食就最完美。《燉湯》凡惠顧晚餐仲可以轉燉湯都係俾多$20，又可以飲到一碗滋潤十足嘅靚湯水簡直超值，是日燉湯係木瓜雪耳燉黃排，一開蓋已見真材實料，趁熱飲番啖清甜滋潤湯水補一補。《韮黃蝦仁細帶子炒蛋》再來係主菜韮黃蝦仁細帶子炒蛋估唔到份量十足，韮黃入口幼嫩味道濃郁最適合用來炒蛋帶出香味，蝦仁肉質爽彈帶子鮮甜，食啖香滑炒蛋再配啖白飯相當美味。《香脆奶油豬仔包》食完仲想食啲嘢再點個特色麵包，香脆奶油豬仔包先至滿足。《樽仔奶茶》最後飲番支招牌樽仔奶茶，1仔出品的 冠軍茶王，跟餐轉加$20 真係抵飲！