影片
更多
2020-05-11
25 浏览
疫情之下，我自己放假都好少出街，都係留係屋企食飯或者叫外賣，今日要去朋友到比野佢，所以就諗住買少少野食去佢屋企一齊食。網上見到有呢間餐廳係我朋友屋企附近於是就試下~LUNCH MENU都幾吸引，我就叫左個蒜香辣帶子意粉，隨套餐送凍蜜桃茶。有兩粒原隻大帶子，煎得金黃色，意粉份量都非常之足料，每一條都掛滿辣蕃茄醬，蕃茄味十分濃郁，酸中帶甜，後勁仲帶有少少香辣口味，非常之好食。我朋友就叫左蟹肉蟹膏炒飯，蟹膏同蟹肉嘅份量非常之多，真材實料。炒飯上面加上新鮮嘅蟹籽作點綴，食之前撈一撈，每一啖都充滿卜卜脆蟹籽、蟹肉同蟹膏，炒飯少至乾身，粒粒分明，入口有濃郁嘅蟹膏鮮味，我朋友係蟹膏控，佢對呢盒炒飯比左好高評價，仲話下次都會叫番呢個食。加$18可以升級特飲，我朋友就叫左杯雙重朱古力粗沙，香濃朱古力味，入口仲FEEL左有一粒粒朱古力粒粒，味道好濃郁，整個口腔都比朱古力重重包圍，好邪惡~我地仲叫左兩款小食試試，包括蟹肉忌廉薯餅同芝士黑松露薯條。蟹肉忌廉薯餅一份有4件，一咬落去忌廉立即流哂出黎，炸衣好薄身，所以食落去唔會好重粉味，反而有好香滑嘅忌廉同薯仔味，口感好細緻，有埋蟹肉，味道充滿層次感。由於我外賣拎
網上見到有呢間餐廳係我朋友屋企附近於是就試下~
LUNCH MENU都幾吸引，我就叫左個蒜香辣帶子意粉，隨套餐送凍蜜桃茶。有兩粒原隻大帶子，煎得金黃色，意粉份量都非常之足料，每一條都掛滿辣蕃茄醬，蕃茄味十分濃郁，酸中帶甜，後勁仲帶有少少香辣口味，非常之好食。
我朋友就叫左蟹肉蟹膏炒飯，蟹膏同蟹肉嘅份量非常之多，真材實料。炒飯上面加上新鮮嘅蟹籽作點綴，食之前撈一撈，每一啖都充滿卜卜脆蟹籽、蟹肉同蟹膏，炒飯少至乾身，粒粒分明，入口有濃郁嘅蟹膏鮮味，我朋友係蟹膏控，佢對呢盒炒飯比左好高評價，仲話下次都會叫番呢個食。
加$18可以升級特飲，我朋友就叫左杯雙重朱古力粗沙，香濃朱古力味，入口仲FEEL左有一粒粒朱古力粒粒，味道好濃郁，整個口腔都比朱古力重重包圍，好邪惡~
我地仲叫左兩款小食試試，包括蟹肉忌廉薯餅同芝士黑松露薯條。
蟹肉忌廉薯餅一份有4件，一咬落去忌廉立即流哂出黎，炸衣好薄身，所以食落去唔會好重粉味，反而有好香滑嘅忌廉同薯仔味，口感好細緻，有埋蟹肉，味道充滿層次感。
由於我外賣拎上去我朋友屋企，所以芝士黑松露薯條會腍左少少，但一食落去就知係用足料薯仔做，一啲粉味都無仲有好清香嘅薯仔味。黑松露味好香，未打開個袋都聞到好香嘅黑松露味。而且份量都真係唔少，食極都仲有。
外賣專門店我本來就無咩期望，但呢間真心令我有驚喜，大跌眼鏡，我朋友都話好好食。由於係即叫即做嘅關係，所以製作需時，不過味道真心值回票價，個人覺得媲美中高價西式餐廳。
张贴
