金龍拉麵 (已結業)

果晚7點幾係山林道見到有間叫金龍拉麵,咪同幾個朋友去試下,裝修幾有日本feel,伙記都幾好招呼又有笑容,我地叫咗金龍拉麵,拉麵軟硬適中,湯底都好好味道,唔會太咸又唔太淡,我肯定好食過大阪果間金龍拉麵囉!仲有鍋燒烏冬,個烏冬湯底好香但唔濃,好味喎!之後個經理同我地講個湯底有用冬菇煲嘅,仲有隻天婦羅蝦又大隻炸得又夠脆,原來仲有燒烤食,我地叫咗安格斯牛,真係好好味!仲有燒日本番薯仔,好香又唔硬,燒雞棒同冬菇都唔錯,經理話遲d有埋日本雪榚酒同酒賣,幾個朋友食完都話正,價錢又唔貴,招呼又好,價得推薦的拉麵店,Good!