壹火鍋

好耐冇打边炉，俾我揾到呢间，见价钱几合理又几多野食，所以呢日约左朋友过来试下。系兆万上面，都好易揾。座位都坐得舒服，系同朋友吹水既好地方。个火锅放题另加50就有刺身放题，加50又有海鲜盘，仲有特级牛肉。难得约出来，我同朋友都决定加晒佢。牛肉好新鲜，好有牛香味，个人最钟意极上牛板腱，口感好好刺身系必叫，我同朋友encore左几转，刺身新鲜就必须，特别推介一定要试佢个鲍鱼片，真系超鲜甜！海鲜就冇得任叫，但呢盘两个人食都多到差d食唔晒🤣 见d虾同鲍鱼仲好生猛旭旭下，虽然感觉有d残忍，但系好食既🙈除左点𩠌，出面仲有好多配料自取，打边炉要食既，都系晒度了。野饮好多选择，不过小妹唔想饮冻野，好在佢仲有好多唔冻既野饮选择呢。打完边炉当然唔少得甜品，榴梿雪糕同雪条都超有榴梿味! 好似食紧真榴梿，但又唔会太甜，榴梿控记得要试!呢餐食得好满足! 下次会再来!