小草十八怪石鍋米線 (已結業)

本身我同朋友都好鍾意食米線，發現好多人討論一間旺角嘅餐廳，裏面有石鍋米線，好特別。一於去試一試！去到之後發現餐廳都幾舒服，上一層，感覺上私隱度高啲。見到餐牌唔係剩係得米線，仲有荷葉飯，串燒，小食等等，性價比都好高。我哋睇到米線真係最吸引，所以兩個都揀咗唔同嘅石鍋米線石鍋米線1.酸菜魚湯嫩滑雞肉、封門牛柳、蘿蔔、羊肚菌、黑牛柏葉、墨魚丸、豬潤、鵪鶉蛋、小草酸辣炸醬2.馬來肉骨茶+九款不同美食每人可以揀一個湯底同9款唔同嘅食物，可以搵店員幫手整，感覺上安全啲同埋會整得好啲，我好鍾意酸菜魚湯，味道香辣吸引味蕾，每款食物配料有少少，但係因為有太多款式所以已經非常足夠。我最鍾意就係雞肉同埋佢個炸醬，前者比較香滑，後者味道獨特。朋友揀咗肉骨茶湯底，很有馬來西亞感覺！味道比較鹹香，味道濃郁。特飲加$12 青檸薄荷梳打原價$25加$12 芒果凍頂烏龍茶原價$25估唔到杯嘢飲咁大，好抵飲！跟餐加$12就有，味道都比想像中好，梳打小清新不會過甜；烏龍茶裏面直情有茶包，味道比較香。仲叫咗好多其他小食韭菜豬紅$18口水雞脾$25香煎餃子$15@3隻南乳炸雞翼$20豬紅方面彈滑，有鹹香；口水雞髀味道香辣；餃子