好茶養生 (MOKO新世紀廣場) (已結業)

放假去左MOKO新世紀廣場行街，下午茶時間黎到好茶養生，同好友歎返杯茶，食件CAKE。香港本土品牌好茶養生主打養生花茶、古法膏品、即食羹、特色零食等等，亦提供禮盒、婚宴回禮小禮物。店舖環境寬敞，坐位舒適，好岩同朋友歎返個下就~茶飲有多款選擇，包括中式養生茶、泡泡系列、特飲、銀耳露等。 皇牌氣血茶 有理氣散瘀、暖宮驅寒功效。大大杯好足料，有齊紅棗、桂圓、金邊玫瑰、黑枸杞、金盞菊等。揀左走甜亦唔會酸澀，淡淡玫瑰香，夠哂養生，好岩女士們。 桂花雪梨茶 有清熱潤肺、養陰生津功效。有齊雪梨乾、桂花、橘皮等，飲落相當清甜潤喉，生津止渴~ 紅莓慕絲蛋糕 紅色水滴扭紋形好特別，入口酸酸哋好開胃，慕絲蛋糕濕潤軟綿。 意式雪糕GELATO 揀左玫瑰紅茶味，淡淡玫瑰花香夾雜紅茶香，花香味濃，入口相當清新。