別府駅前料理 (杏花新城) (已結業)

好耐都已經無食別府，見佢menu加左啲新野，不過啲野好似加左價咁。夜晚淨係得單點，佢啲麵或者飯好多都要七十幾蚊。今次黎諗住試下新野，所以我叫左燒安格斯牛肉飯($74) 同埋海苔年糕薯餅($38)。野食差唔多10分鐘就送到，都幾快，可能因為我八點半後黎人已經比較少。牛肉飯有包埋味增湯，飯有洋蔥同牛肉，都幾多下，而且汁都足夠撈飯，唔會太乾。牛肉幾淋下不過覺得個汁都幾重味，食落覺得有少少鹹。而洋蔥就煮得比較生，口感比較脆，覺得如果可以煮淋啲會更好。依碗飯嘅分量好多，我最後係食唔哂。小食方面，煙韌嘅年糕同埋薯蓉mix埋一齊嘅口感都幾特別，覺得依個唔錯可以再encore。