上海小南國 (MegaBox) (已結業)

好少過嚟觀塘食飯，因為喺度揀傢俬，順便喺商場度食飯方便啲，以前都成日食銅鑼灣嗰間，諗住應該唔會差得去邊，點知可以難食到咁。我哋點咗五個餸，小籠包，鍋貼，外婆紅燒肉，海蜇頭，同埋雞煨麵。首先小籠包正正常常，冇乜特別。跟住鍋貼個皮浸味怪怪地，啲肉又唔係特別好食，個紅燒肉直程係差到痹，好似未煮完硬刮刮攞出嚟。個海蜇頭完全無味，冇醋味冇麻油味。個上海雞煨麵係完全無味，好似好水咁，真心的好耐未食過咁差嘅嘢。難怪可以冇人到呢個地步。