印象中隔離街都有老川皇分店，而且已經開咗好多年，幾年前食過印象深刻，呢間裝橫新穎啲，座位寬敞都坐得舒服啲！
🐸 泡椒田雞
呢道菜真係夠晒刺激！田雞肉質超嫩滑，啖啖肉，泡椒酸酸辣辣，咬落去勁惹味，辣得嚟又唔會太嗆，食到成個人都醒晒！每一啖都食到田雞嘅鮮甜同泡椒嘅香辣，真係停唔到口。
🦐 宮爆蝦仁
宮爆蝦仁就最啱鐘意甜辣味嘅朋友，蝦仁爽口彈牙，配埋乾辣椒同花生，咬落去層次感好豐富。甜甜辣辣，唔會太重口味，送飯一流！
🧈 麻婆豆腐
麻婆豆腐一定要有花椒香同埋麻辣味，豆腐滑到一夾就散，牛肉末炒得入味，成碟菜香辣得嚟又唔會太油膩，食完嘴唇都會有啲麻麻地，好正宗！
🥒 涼拌青瓜 （免費任添小食區自取）
食完咁多辣嘢，嚟返碟涼拌青瓜真係啱晒，清爽解膩，青瓜爽脆多汁，配埋醋汁，簡單但好開胃。
3
