小食掂

探朋友之前諗住喺浸會醫院附近求其食啲嘢，行到嗰間唔知咩商場😅見到有間小食店（小食掂）買咗個咖喱魚蛋同埋生菜魚肉。
生菜魚肉個湯底食得出冇加味精，我成碗飲晒都唔覺口渴，魚肉好彈牙，足料，唔似出面嗰啲粉多過肉。
魚蛋係陳皮魚蛋😍😍😍 咖喱汁好出色
見到間舖好乾淨，多口問句，原來開咗冇幾耐，老闆話會不定期推出粉仔，希望下次有緣可以食到啦。
等嘢食期間見到好多人買碗仔翅，下次要留肚試埋碗仔翅燒賣腸粉同滷味⋯仲有個蒸飯，撈烏冬都好想食⋯

1

#香港美食