公道說話佢食材係新鮮既，環境ok la！服務係好既，因為個日亦都無乜人
其實本身係見到IG有個女仔寫嘅食評推薦，講到咁性價比高先上嚟試一試，但係上黎之前本身見到有個食評都講得幾差，已經有啲卻步，但本身我唔係一個鍾意放飛機嘅人所以都鼓起勇氣上嚟試一試，畢竟有機會人夾人緣嘅啫！（事實應該信個個女士既食評）
本身呢一餐生日飯我已經做咗少少資料蒐集見到餐廳生日每日可以係甜品上面寫字，打電話訂枱嘅時候已經特別講咗，佢亦冇同我預先講會有另外收費或者要我額外叫甜品先會有朱古力寫字，埋單我先見到原來要額外收$120 ，都算數
成餐飯其實係冇見到IG嗰個女仔寫得咁性價比高又多海膽，根本就唔係嗰回事，如果一啲IG網紅上到嚟係有其他待遇嘅又或者叫邊個餐有其他待遇嘅，其實要預先講明，出想像出入太大，依家咁多新餐廳，大把選擇
隔咗一晚我有朋友又去咗食佢都係投訴份量太少，覺得中左伏，三千蚊食吾飽，轉頭仲要去食返碗魚蛋粉，但佢竟然同我講師傅有送到甜品同其他壽司啤酒係不用收費的，正正就係我收咗$120嗰個勁普通嘅提拉米蘇，竟然有啲咁樣嘅差別待遇同樣價錢真係覺得好差勁，唔好同我講熟客我朋友都係見佢新開第一次上去！
一星比食材，一星比服務，其他無既
