臺北棧 (港威商場)

营业中

休息中

放假同細妹去行街shopping 😃行行吓見肚餓，就想食吓台灣菜，今次我就揀咗check-in Taipei🌟餐廳環境設計意粉色為主，座位都幾多，店員安排咗我哋坐卡位，靜靜地坐得都幾舒服。見到餐牌有同Klook合作嘅一人套餐，見幾多野食就嗌左。首先有三款涼菜，分別係涼拌筍絲、翠玉瓜蜆肉、台灣腸。其中筍絲夠爽口，蜆肉好足料，台灣腸有墨汁及原味。跟住有鹽酥炸雞兩件同甜不辣兩件。我好鍾意食甜不辣㗎，口感煙靭點埋甜酸醬好惹味，鹽酥炸雞味道正常外脆內軟。擔担牛肉麵（刀削麵）除咗香濃牛肉湯仲食到有淡淡嘅麻醬香氣，刀削麵好有口感，牛肉份量都唔少，有四舊。鹹蛋黃芋泥蛋餅芋泥係勁啱我口味，加埋鹹鹹香香嘅鹹蛋黃，口感軟腍層次豐富。冬瓜茶芋圓凍配粉粿好少可以食到粉果，但係佢口感勁煙韌，完全係我嘅口味，芋圓食到芋頭粒，加埋綠豆蓉同珍珠好夾。估唔到限定嘅一人套餐有咁多嘢食，完全可以食到晒餐廳推介嘅食物，一次過試晒，大滿足。