麗都餐廳

营业中

休息中

中午同班同事一起去食呢間茶餐廳，其實附近都好多類似餐廳，不過呢間既鋪面算企理，光線足，對比附近餐廳算係一個優點。不過點講都係一間茶餐廳，茶餐廳咁大眾化既野味道同質素都應該知係咁上下，唔可以expect太高。我同另一個同事都揀左豬扒不過一個係飯一個係公仔麵，豬扒真係好大舊好厚，表面好脆，溫度都夠熱，但裡面好似有少少未煮熟，味道OK，份量好足。同埋仲有香蔥醬汁，絕對夠味唔會淡，但就比較油膩。另外仲會附送例湯，都幾好飲而且仲有少少肉。總而言之其實水準就係一般茶餐廳，油脂同鈉一定比較高，但味道唔錯，間中食一次都無妨。