風月堂 (已結業)

以前同女朋友食過幾間唔同的風月堂，最有印象就係佢個好靚餐牌，攪到我地每一次都有選擇困難症。一個TOP SHOT影曬所有飲品，非常震撼，自己就未試過在其他舖頭見到呢種相。而家銅鑼灣同葵芳都結左業，旺角都CLOSE埋，好彩佢開番一間，最慘就係換左個餐牌，無以前咁多款式。必定要叫當然係佢個「凍咖啡」啦，呢個味道無失到準，非常之香。「三文魚蟹籽忌廉意粉」：唔記得影相，賣相麻麻，不過都OK好食。「薑汁黑豚肉薄餅」：都幾好食，但唔太特別。「紅豆抹茶窩夫」：唔會太甜，WAFFLE好香，水準之作。總分：72/100（值得幫襯）總括黎講食物水準OKAY，但總係覺得比以前差左少少。甜品比較出色，拍拖又或者黎食下午茶會比較合心水。推介：紅豆抹茶窩夫