宜家家居餐廳及咖啡室

营业中

休息中

好多人都知道宜家傢俬嘅餐廳食西餐，可以話係價廉物美，簡簡單單咁，但係水準一啲都唔差。不過食咗咁多年肉丸，煙三文魚之類嘅食物，有時可能都有啲嫌，但係其實佢哋除咗肉丸之外，平時都會keep住更新佢哋嘅菜單，不時會提供唔同嘅主菜，有時都幾有驚喜。好似今日去食咗lunch，就發現今日嘅精選竟然有羊架！你知啦羊架通常都係比較貴嘅主菜，去西餐廳食分分鐘都要可能要$200一份，但係今日只係需要幾十蚊就可以食到，梗係即刻要左份啦。一份羊架大大份，正如相片所見都得唔錯，份量好足，有成3，４件，而且唔會好細件。而且羊架嘅生熟都處理到啱啱好，中間仲係有粉紅色，唔會係熟得太犀利。配埋個汁，同埋薯蓉配菜，只係幾十蚊，就有呢個高級餐廳享受，雖然人多嘅時候都幾迫，都要坐到會冇咁好，咁但係你嘅食物水平來講都算係幾好㗎啦，平靚正，所以成日都咁多人啦。當然啦，依Ｄ特別主菜嘅choice唔係成日都有啦，係不定期出現，黎到有咩食就要睇彩數喇。