越棧越式湯粉專門店 (海趣坊)

第一次食越南菜，咁啱趕得切黎食下午菜。$36有1碗粉加飲品其實幾抵，我地叫咗3個粉同2個小食。碗粉又唔會因為係下午茶所以縮水，湯底好夠味，個人覺得啲麵條嘅軟硬度適中，撈檬配埋汁都幾滋味。配料亦都唔汁輸，香茅豬扒同豬頸肉都醃得入味又唔會太鹹，煎得好香。生牛肉片又唔會太生，啱哂我。比起粉麵，小食就唔係幾抵，份量有啲少，不過蓮藕釀餅同蒸粉包又真係唔錯，值得一試。而特飲都淨係加$4，就緊係叫番杯椰汁冰同香芒雜飲。