日日涮 (已結業)

聖誕假期當然要出下街，是日約了朋友到旺角，行完街就醫肚啦，朋友一向鍾意打邊爐，搵下邊度有任食先，喺開飯搵到日日涮，評語不錯，一於試下佢先。兩點上到黎，原來三點落場，哈哈，咁一個鐘都夠食嘅。可能就收工，人不多不用等位，店內寬敞冷氣足，感覺良好。自助bar全部任食，好多野揀啊！多款蔬菜，丸類，午餐肉，豬紅等，款式甚多。雪糕櫃，熱飲，醬料等。飲品櫃，有各式汽水，啤酒，無糖飲料，呵呵，有我喜歡的忌廉溝鮮奶同解茶呀，正！食一份肉嘅餐都有湯底揀，無規定要清湯喎，是日揀有壽喜燒同四川麻辣，壽喜個甜豉油甜度適中很對胃，四川湯底只係小辣，容易入口，都好麻好香㗎，啱哂我呢啲五小辣程度嘅人。醬料方面有酸汁，辣醬，蒜蓉，蔥等，仲有至愛的日式麻醬，正正正！要了美國頂級牛小排餐（$98/位），牛肉幾靚吖，厚薄ok不過肥，入口很滑。仲有豚肉同雞腿肉二選一，咁就一人揀一樣share先，兩款肉都幾好，都好滑又無怪味，哈哈，成日怕豬肉片太大陣豬味。除左食肉，就梗係要食下出面自助嘅野啦，鴨仔魚蛋好得意呀～蟲草花，秋葵，粟米仔，木耳，蠔菇，蓎蒿，芝心丸，芝士竹輪，章魚丸，牛栢葉，紫薯年糕等，多到數都數唔哂，每樣試一粒都飽左。