影片
更多
2009-01-02
17 浏览
呢間鋪頭同大少都食o左好多年.以前呢區無咩壽司店選擇,所以食壽司都係去呢間. 話時話,裕和由一間細鋪變大鋪之後,又再變裝, 環境坐得更舒适.當然,與同區連鎖壽司店走不同路線, 無得比較.有時都懷念以前細鋪食飯o既情況. 雖然要等好耐先有位, 又坐得迫, 但老闆娘做完o野會主動問客人意見, 大家有傾有講, 有咩問題可以即時反映. 壽司價錢唔算平架, 但食物新鮮, 服務殷勤, 每次都好滿足咁離開…相比依家, 環境大o左, 食品款式多o左, 但去食飯o既感覺已經唔同哂. 好似一般食肆一樣, 食完就走, 無o左家庭feel…講o左咁多無謂o野,去返正題先. 雖然食品質素無以前咁穩定, 但我會介紹大家食以下幾樣 :壽司類:板壓鯰魚壽司--必食之選,唔係度度都有得食架,味道有少少酸,建議唔點豉油食.白色部份係魚肉,黃色部份係魚子,好有咬口,一件壽司兩個口感,正!甜蝦/牡丹蝦壽司--鮮甜抵食,尤其係牡丹蝦,將蝦腦取出放飯面上食,一流!呢個食法唔係原創,不過,只要將好o野介紹俾大家就得啦.海膽壽司--每次去食都唔會失望,好新鮮甜唔苦.剌身類:榮螺--平靓正,清理得乾淨,新鮮自然無腥味啦.其他剌身唔係
有時都懷念以前細鋪食飯o既情況. 雖然要等好耐先有位, 又坐得迫, 但老闆娘做完o野會主動問客人意見, 大家有傾有講, 有咩問題可以即時反映. 壽司價錢唔算平架, 但食物新鮮, 服務殷勤, 每次都好滿足咁離開…相比依家, 環境大o左, 食品款式多o左, 但去食飯o既感覺已經唔同哂. 好似一般食肆一樣, 食完就走, 無o左家庭feel…
講o左咁多無謂o野,去返正題先. 雖然食品質素無以前咁穩定, 但我會介紹大家食以下幾樣 :
壽司類:
板壓鯰魚壽司--必食之選,唔係度度都有得食架,味道有少少酸,建議唔點豉油食.白色部份係魚肉,黃色部份係魚子,好有咬口,一件壽司兩個口感,正!
甜蝦/牡丹蝦壽司--鮮甜抵食,尤其係牡丹蝦,將蝦腦取出放飯面上食,一流!呢個食法唔係原創,不過,只要將好o野介紹俾大家就得啦.
海膽壽司--每次去食都唔會失望,好新鮮甜唔苦.
剌身類:
榮螺--平靓正,清理得乾淨,新鮮自然無腥味啦.
其他剌身唔係唔好食,係唔抵食o者,切得太薄啦…
飽肚類:
三文魚/蝦便當--一次過可以試幾樣以三文魚或蝦做o既食品,如果兩個女仔食o既話,可以share食,都夠飽架,味道可以接受啦...
烏冬--烟韌彈牙,有手打feel但配o既湯同”食送”味道唔得,浪費o左D靓烏冬
蠔/蟹粥--味道不錯
小食類:
雞翼--突然失憶唔記得佢個全名, 雞翼去骨連尖, 內釀泡菜蟹子,食落啖啖肉,送酒一流
雞軟骨--看彩數,有時落太多椒鹽,會好鹹.不過好彩o既話真係好好味.叮雞軟骨可以有幾難食呀?
墨魚咀--純粹等上菜o個陣有o野咬下無咁悶,唔好看少佢呀,一粒可以o趙好耐架,味道可以啦
唔好試其他熟食啦, 廚師廚藝真係好一般,尤其係炸物,信我啦…
张贴