Pancake House HoiHoi (荃新天地) (已結業)

小編經朋友介紹，試左由日本名古屋開到黎香港既Pancake House Hoi Hoi ，小編近來其實都食過幾間Pancake，都想對比一下☝🏻但係呢間野服務真係一般般。◾ 原味梳乎厘班戟 $88基本梳乎厘班戟感覺，驚喜不大，但係佢蛋香不夠，可能製作時打粉不夠均勻，食落去會覺得內裡有一啲一粒粒粉粒，如果對比尖沙咀J.S.Foodies班戟個距離相差好遠。◾️沖繩紫薯梳乎厘班戟 $108紫薯味好濃濃，但會偏甜，而且佢同梳乎厘班戟唔夾，兩樣好獨立既野食放埋一齊，食落去個感覺紫薯個甜度會完全蓋過梳乎厘班戟既味道，一般般，而且價錢都不算平民價，如果簡我會食返原味。點解話服務一般般，小編當時同朋友兩個人入到餐廳，有兩張枱係無人坐，有個男既經理，堅持要我地坐近門口張枱，唔可以坐入面張枱，我覺得疫情期間，客人通常有得選擇都會簡入面啲既枱，而且試紫薯梳乎厘個服務員發現紫薯下塔緊，佢竟然忍唔住講左出黎「呀～佢塔左」，之後無諗住整返或者換返，所以真係好差，我諗試過一次都唔會再去。