阿鴻小吃 (已結業)

今日去接夜機，所以決定入去機場食下嘢。上網見到阿鴻有分店，一於就揀佢啦！ 入到去已經七點幾，全店爆滿。好彩只等了一陣就有位。 快快趣叫嘢食…三拼一碟﹙鵝片，墨魚同鵝掌﹚，鵝肉粥，蔡瀾撈麵。 總括所有食物都係水準之上，比美總店。但價錢貴同份量少亦是事實。以後都係去番總店食好好啲啦！ 最後要提下杯紅豆奶茶，好得！紅豆嘅甜味跟茶嘅苦澀味出奇地夾。推介！