影片
更多
2018-02-04
42 浏览
天寒地凍又乾燥，之前睇雜誌見到全港唯一花膠撈面，價錢仲要唔貴，放假特登去東大街食返個花膠補一補滋潤下。店內小，目測最多20個位，樓面得一個，全場爆滿都見佢踢晒腳好忙，同時不停有人黎外賣燉湯，但仍然保持禮貌笑容，幾好。招牌花膠撈蝦籽面，睇落細細份，食落原來咁多，一大舊花膠包住西蘭花好有心思，花膠正路無乜味一定要靠醬汁炆腍，炆得好入味，好滑好腍大大塊，真係想大嗌~~~ 好多骨膠原呀~~ 哈哈哈。西蘭花6粒細細粒d花索晒d汁好味但不失菜既爽脆口感。麵上鋪滿粒粒蝦籽，一撈喜先發現，乜咁大個麵架，麵質爽口彈牙煮既時間剛好，比出面既粗麵厚身d，唔係鹼水麵貨色，有面既香再加埋蝦籽更香濃好食。叫個花膠撈麵送油菜，放係煎pan上幾有特式，估唔到送既菜都有返咁上下份量，新鮮爽脆淋上豉油汁，帶出菜既味道一餐內面無肉落肚好似爭咁d野，叫個安格斯牛柳粒配芥未醬，外表煎得脆脆，雖然脆但無油膩感做得幾好，牛味重夠腍軟無渣，配埋芥末醬更野味，食晒成碟無難道。最後點返個甜品作結尾，熱辣辣木瓜雪耳燉花膠，入面d料爆滿，幾粒有核紅棗，幾舊木瓜甜甜的好潤，雪耳燉得夠火侯好軟滑，舊花膠仲大過隻匙羹（唔知點解試左幾次都post
店內小，目測最多20個位，樓面得一個，全場爆滿都見佢踢晒腳好忙，同時不停有人黎外賣燉湯，但仍然保持禮貌笑容，幾好。
招牌花膠撈蝦籽面，睇落細細份，食落原來咁多，一大舊花膠包住西蘭花好有心思，花膠正路無乜味一定要靠醬汁炆腍，炆得好入味，好滑好腍大大塊，真係想大嗌~~~ 好多骨膠原呀~~ 哈哈哈。西蘭花6粒細細粒d花索晒d汁好味但不失菜既爽脆口感。
麵上鋪滿粒粒蝦籽，一撈喜先發現，乜咁大個麵架，麵質爽口彈牙煮既時間剛好，比出面既粗麵厚身d，唔係鹼水麵貨色，有面既香再加埋蝦籽更香濃好食。
叫個花膠撈麵送油菜，放係煎pan上幾有特式，估唔到送既菜都有返咁上下份量，新鮮爽脆淋上豉油汁，帶出菜既味道一餐內面無肉落肚好似爭咁d野，叫個安格斯牛柳粒配芥未醬，外表煎得脆脆，雖然脆但無油膩感做得幾好，牛味重夠腍軟無渣，配埋芥末醬更野味，食晒成碟無難道。
最後點返個甜品作結尾，熱辣辣木瓜雪耳燉花膠，入面d料爆滿，幾粒有核紅棗，幾舊木瓜甜甜的好潤，雪耳燉得夠火侯好軟滑，舊花膠仲大過隻匙羹（唔知點解試左幾次都post唔到張花膠相😫，真係比想像中大，點會估到38蚊都咁有份量），花膠口感原來係爽爽的，甜食襯呢個口感一流，好過腍腍既好似會有dd怪，唔會太甜清清的好岩咁凍既時候食，好潤甜品驚喜個推介!
午餐menu,除左呢d，仲見到有一塊大白板寫d精選，有鮑魚啦， 海參啦，都係撈面食，仲有胡椒豬肚燉花膠，好想試但老媽子琴晚先煲完（當然無花膠版咁奢侈啦，哈哈哈），一定會再黎試埋其他野
张贴
