影片
更多
2010-07-04
12 浏览
之前媽咪睇到雜誌, 見到呢間野新開張又多優惠, 於是黎試下!見到點野食既紙都有好多顏色, 好多好多款!!!而且上菜既速度好快 1家5口真係食左好多野, 樣樣都揀d!!1去到送左每人1碗雞絲翅, 都係蠔油獻..冇咩料..刺身: 叫返最大路既三文魚, 吞拿魚, 帶子, 八爪魚, 全部好新鮮, 好好食! 壽司: 成30-40款野揀! 又有手卷、卷物果d, 特別推介火灸芝士鰻魚同火灸三文魚! 好好食! 反而牛油果軟殼蟹壽司就幾玩野, 果d根本就係青瓜 -_-泰式: 食左馬拉盞炒通菜, 咸魚炒芥蘭, 泰式炒蜆, 樣樣都唔錯! 岩d鍾意食濃味野既人! 蝦餅同喇沙, 湯河都ok!! 炒貴刁好大碟!!!炸物: 食左炸雞翼、炸海老天婦羅、炸蓄薯、炸南瓜等等..全部都好好食! 蝦好新鮮, 爽口又彈牙, 完全唔會似出面街果d咁霉..而且好大隻, 正! 蕃薯同南瓜都好甜! 雞翼又好大隻!串燒: 叫左燒牛肉、燒雞肉、燒香茅雞翼、雞軟骨等..樣樣都夠熱夠香口, 但係燒牛肉落既鬆肉粉可能比較多..有d似茶餐廳牛河果d..冇咩牛味!其他: 仲有金姑牛肉卷, 好好食牙! 甜甜地, 牛肉真係好有牛肉味, 金姑唔會太林
之前媽咪睇到雜誌, 見到呢間野新開張又多優惠, 於是黎試下!
見到點野食既紙都有好多顏色, 好多好多款!!!
而且上菜既速度好快
1家5口真係食左好多野, 樣樣都揀d!!
1去到送左每人1碗雞絲翅, 都係蠔油獻..冇咩料..
刺身: 叫返最大路既三文魚, 吞拿魚, 帶子, 八爪魚, 全部好新鮮, 好好食!
壽司: 成30-40款野揀! 又有手卷、卷物果d, 特別推介火灸芝士鰻魚同火灸三文魚! 好好食! 反而牛油果軟殼蟹壽司就幾玩野, 果d根本就係青瓜 -_-
泰式: 食左馬拉盞炒通菜, 咸魚炒芥蘭, 泰式炒蜆, 樣樣都唔錯! 岩d鍾意食濃味野既人! 蝦餅同喇沙, 湯河都ok!! 炒貴刁好大碟!!!
炸物: 食左炸雞翼、炸海老天婦羅、炸蓄薯、炸南瓜等等..全部都好好食! 蝦好新鮮, 爽口又彈牙, 完全唔會似出面街果d咁霉..而且好大隻, 正! 蕃薯同南瓜都好甜! 雞翼又好大隻!
串燒: 叫左燒牛肉、燒雞肉、燒香茅雞翼、雞軟骨等..樣樣都夠熱夠香口, 但係燒牛肉落既鬆肉粉可能比較多..有d似茶餐廳牛河果d..冇咩牛味!
其他: 仲有金姑牛肉卷, 好好食牙! 甜甜地, 牛肉真係好有牛肉味, 金姑唔會太林!
飲品: 紅豆冰、三色冰1般, 勁多冰同水, 冇咩豆..但係真係有淡淡既椰香! 好岩夏天飲, 真係好冰涼! 咸檸七都唔錯! 有舊冰室既味道..
甜品: 1入門口已經見到凍櫃有好多令令既cake! 木糠蛋糕超級正! 十分有水準! 跟住試左德國芝士蛋糕..嘩難食到..好似酸酸臭臭既毛巾味! 侍應話因為加左sour cream, 但我自己整cheese cake都唔會有咁既味..而且蛋糕果d都唔太凍, 其實會唔會係變左? 跟住試左mango pudding, 都唔錯! 椰汁西米糕好似洗手間, 香精, 唔太掂! tiramisu好好食, 好有美心果隻tiramisu既感覺!
p.s. 呢間餐廳既侍應好勤快, 又好禮貌, 雖然有時會漏單, 但情況唔算太嚴重, 可以再試! 真係好多野揀!
新開張送左雞絲翅, 5人以上有95折, 生日前後1星期仲有蛋糕送, 都唔錯!
张贴
