許留山 (已結業)

去紅磡探親戚，食完晚飯仲好早，想傾多陣，就去左食糖水啦  我地去左黃埔既許留山，打開餐牌，滿滿既芒果甜品，我個人好鐘意有咬口，可以嚼既野，緊係叫返個多芒小丸子！  多芒小丸子係一堆好好咬既小丸子，加一堆芒果同中間一球芒果雪糕，再有d芒汁咁  首先，我最關心既小丸子，煮得岩岩好，唔會太硬太林，夠彈牙，好好嚼  而芒果都幾新鮮，冇咩怪味，芒果雪糕都ok，係咩牌子我就食唔出啦  但唔好既地方就係，份量黎講略少，食得唔係幾夠喉，我諗呢個係連鎖甜品鋪既通病，我覺得佢既價錢黎講份量可以再多d