日悅極尚日式放題 (已結業)

好鍾意呢到呀！好大，坐得真係好舒服！食物質素good之餘，職員都係good既，真係好難得呀！大廳中間係唔同既冷盤，食物一D都唔失禮。要鮮有鮮，要肉有肉，要素有素。其中我最喜歡既就係呢個温泉蛋！佢真係煮得岩岩好！個蛋黃既味好濃！蛋白滑到可以直接瀡入喉嚨！仲有個豆腐好滑！配麻醬食真心一流！其中一個好嘅地方就有個兒童玩樂區。可以帶小朋友過嚟呢度玩！大人食到有時都會有啲濟。同小朋友玩一陣就可以再食過。個兒童遊樂區好大！仲好精心咁佈置！放題其中一個主角當然係刺身！刺身唔夠新鮮真係乜嘢都係假！ 我鍾意食放題多過自助餐嘅原因係因為覺得好好似冇自助餐咁浪費，點乜嘢上乜嘢。 你睇下佢個三文魚幾咁肥美！帶子都好鮮甜！另外一個知道大家都未必會好食嘅就係壽司。因為覺得舊飯唔抵玩。撐飽左自己就唔好。但我係好鍾意黎放題食火炙壽司！因為平時自己食有啲貴。呢度嘅火車壽司都燒得幾好，細細件唔會太飽，而且都做到個種香，同埋應該都真係即席燒嘅，因爲黎到都重有微溫。 冇expect佢會到做到好似出面一樣水平，咁樣我已經好滿意啦。日本就叫左青魚，佢燒得都幾香，好好食！ 再叫左燒蝦，燒雞軟骨，同埋炒雜菌。其實仲叫咗好多唔同嘅嘢食