Le Viet (已結業)

又到聖誕梗係要約下朋友，食下飯，交換下聖誕禮物啦！ 我呢個friend呢就最鍾意睇名牌包包， 喺短短嘅lunch time點可以食飯又睇包包呢！ 咁啱呢個商場有間買名牌包包嘅舖頭， 咁就約呢個商場食啦！ 我哋兩叫咗兩個set lunch， 一個原個菠蘿炒飯， 另外一個海南雞飯,有餐湯又有餐飲， 價錢都係60~70蚊。菠蘿炒飯賣相都唔錯， 有三隻蝦放係面， 又有啲肉鬆， 炒飯都幾乾身。 海南雞飯油飯好香， 海南雞非常之滑， 而且已去骨。 價錢同各方面都幾唔錯，而且非常近地鐵站好就腳。