雲南風味過橋小鍋米綫 (已結業)

同事介紹，普通麵店格局，唔算好坐，因為唔太肚餓，所以叫了雙拼「酸辣魚蛋」米線（$28），食物好快上枱，唔記得走韮菜，魚蛋有四粒，不過咬落好削，唔彈牙，無魚味，酸菜好多，辣度無得揀，只有一種辣度，但我食落一啲都唔辣，係好咸，米缐軟硬適中，可惜太咸，乜其他味都食唔出！不過我唸應該係啲咸酸菜問題，因為我哋六個人，三個有叫酸辣，另外三個叫其他湯底，三個酸辣嘅都話好咸，另外三個話好味，所以問題係啲酸菜！值得讚係熱茶任飲，唔係嗰啲唔知沖好幾耐嗰啲，用隻膠杯凍冰冰上枱，完全無茶味，只會用來洗筷子，，而係用酒樓茶壺沖好上枱，自己用瓷器瓦杯飲，餐具亦乾淨，侍應好勤快，落單上菜沖茶，十分有效率！