容記小菜王 (已易手)

今日去左長沙灣，朋友建議去食容記,咁我唯有聽話,因為完全唔熟依區,佢話好方便同埋d伙記好有親切感。今晚只有四個人,同埋係平日,都算比較静。唔夠人齊無得叫太多既招牌莱。頭炮當然係例牌老火湯,都無令我失望,個湯幾甜下,唔錯,不過好似差咁少少濃,不過絕對唔係味精湯,小炒當然有哂水準。薯仔牛骨夠哂入味,唔錯。薯仔先煎過之去煮賣相好之外更加惹味,好入味。 仲有一個枝竹魚腩好正呀，底個生菜先係好味道,因為吸哂所有精華,而且佢好夠鑊氣,另外仲有一個脆皮豬,水準非常高。肥瘦比例岩岩好好,唔錯唔錯,最後就係一個栗子鴨, 栗子夠哂林又入味好正呀，雖然鴨左少dd不過味道都係唔錯嫁,岩哂我地四個人食,整體全部都唔錯！最緊要係d伙記夠哂幽默,成班人去食都食得好開心。