雲吞仔 (已結業)

星期五放工同朋友黎到太子搵嘢食，經過太子花園街呢度既雲吞仔，一於黎個簡單既晚餐。晚飯時間好多人我同朋友每人要左個set，都係簡左呢度既招牌或者係推薦既！招牌雲吞面單拼套餐，店名叫雲吞仔，但粒雲吞好大粒，入面滿滿既蝦肉，好鮮味，好彈牙！套餐跟紫菜湯，同熱奶茶，簡簡單單既湯亦都好鮮味，好有水準。熱奶茶，茶味奶味配搭岩岩好！朋友既牛腩撈粗一黎到嘅時候，見到成碗撈粗已經覺得好好食！牛腩哪份量勁多，佈滿哂成碗面！而且撈面嘅質感望落支都覺得爽口彈牙。飲一飲左碗湯先再開始食呢一碗牛腩撈粗，第一下入口嘅牛腩，咬落去已經感覺到個質地夠哂軟，而且唔韌。一路食落去，啖啖牛肉一啲都唔痴牙，亦都夠哂好味好咬口。配合上撈粗面，呢一碗粗面鹼水味唔算好重，而且面嘅質感爽口彈牙！整碗牛腩撈粗我比100分！鴛鴦一黎到聞左一下，已經聞到好濃嘅茶香味，味道上再有少少微咖啡嘅苦澀味道，成杯鴛鴦口感好正，好有傳統鴛鴦嘅味道！