珺

营业中

休息中

今日同朋友四個人一齊去呢間位於中環嘅素食餐廳🥰 食物選擇有好多，多到花多眼亂，唔知揀邊樣好🤤我哋嗌咗兩款唔同嘅湯，一款係南瓜中，另一款係松茸湯。松茸湯竟然係用茶壺去裝，咁樣斟出嚟好得意😋餐廳每碟嘅份量都唔算好多，所以我哋可以試食好多款唔同嘅嘢💪🏻💪🏻💪🏻特別推介叉燒同埋黃金腐皮，兩款菜式嘅調味都做得好好😍飯類我哋嗌咗一個冬陰功意大利飯同埋炒飯，炒飯質素好高，炒到粒粒分明！最後我哋唔夠喉，仲嗌咗四個甜品☺️ 嗌咗一個薑汁牛油果甜品，入口順滑，估唔到牛油果同薑汁加埋咁夾❤️ ，酥炸燕麥奶就正常發揮，最好食係焦糖芝士脆餅🤤用餐體驗：❤️❤️❤️❤️（5分滿分）