吉豚屋吉列豬扒專門店

营业中

休息中

行過次次都見到呢間日式炸豬店，不過見到好多人排隊又唔想食，難得今日早左收工，行過見到居然唔使等位就有得食，就決定食呢間啦！叫左一個滑蛋豬，成碗滿滿咁上，個蛋唔係100%熟哂，所以食落都幾滑，但又唔會話好生有蛋腥臭個種，個豬排都唔錯，雖然個蛋汁會浸軟左少少個炸皮，不過軟左原來都好好味，加圭個豬排本身又厚又易咬，唔怪得成日都咁多人排隊啦。我果個就係炸豬同泡菜鍋烏冬，入口少少酸辣啦，不過個人就覺得泡菜味可以再濃郁少少，但睇在係成個鍋咁上，食到最後都仲KEEP住熱辣辣，都有加分。個豬排的確外脆內軟，脆到咬落去會聲，呢個豬比頭先果個juicy，好味！