湯底
富士蘋果湯底：非常甜，仲能夠帶出牛肉、豚肉嘅甜味，感覺清新，絕對值得一試。強烈推薦！
博多味增湯底：帶日式風味，鮮甜美味。
肉類
澳洲和牛：肥瘦適中，牛味濃，最適合打邊爐，唔會過肥。
特選雞腿肉：雞肉非常滑
五花豚肉：非常有驚喜，入口爽趣，唔會太肥膩，肉味濃
自助區域
蔬菜及丸子：款式都算多，牛丸、貢丸、魚蛋、龍蝦丸質素都唔錯。蔬菜方面生菜好爽脆新鮮，仲有金菇、雞髀菇、連罕見嘅蒿荀同翡翠苗都有。
熟食：選擇就唔多，而且一出就俾人拎晒，今次都冇咩機會試到。
飲品：有自助汽水機、自助咖啡奶茶機、以及樽裝飲料，總有一款啱心水。
最特別係佢有自助窩夫機，有原味同綠茶味蛋漿可以選擇，仲有四部機，唔使擔心要等太耐。行過隔離仲可以加啲雪糕、朱古力或者士多啤梨醬、彩色朱古力碎，見好多小朋友都整得好開心～ 食粒唔差㗎，外脆內軟！
