影片
更多
2025-04-25
24 浏览
去唔到日本，簡直係對我係大懲罰。今日工作唔順心，馬上約閨蜜偽日本一番。好知己真窩心，帶左我去佢主場apm 「一杯」，好彩朋友係熟客，座無虛席，無訂位就一定要坐bar檯Lu，熟客就梗係有包廂坐啦🤭。一入去店員叫我摸吓隻Billi Ken，由腳趾摸到腳板底好運就會嚟🤣🤣，甘叻知我嚟想占好運，咁我就梗係摸啦。坐底叫左推介嘅4人餐，諗住通常日本嘢細細碟都要再加，點知嚇我一跳勁多野食，非常豐富，超推介呢個$1480餐👍，餐牌散叫外仲有2人餐選擇。特選4人前料理1. 豚肉沙律2. 海膽卷3. 刺身四品4. 鹽燒牛舌免治雞肉串燒5. 鐵板A4和牛薄燒6. 鐵板蟹肉炒飯7. 鯛魚野菜石鍋湯8. 甜品首先講吓個沙律，其實出面好少加豚肉，但係切得好薄加埋淡淡地嘅沙律醬，呢個配搭幾特別。 刺身係厚切，我至愛❤️，順序好似食生蠔甘由淡至濃味，蝦、鮑魚，油甘魚、三文魚，食得出係高質刺身，鮮味有光澤！一定要講個A4薄燒，年中食唔少鐵板燒😬，入口即溶，夠大塊包住多蔥，而且啲蔥唔會太鹹，得喎👍， 加埋個鐵板炒飯炒得超級好，粒粒分明，有味道又乾身，一食鍾情！決定下次要嚟坐吧枱食鐵板燒，同師傅飲酒。如果唔叫set，下次都可
好知己真窩心，帶左我去佢主場apm 「一杯」，好彩朋友係熟客，座無虛席，無訂位就一定要坐bar檯Lu，熟客就梗係有包廂坐啦🤭。
一入去店員叫我摸吓隻Billi Ken，由腳趾摸到腳板底好運就會嚟🤣🤣，甘叻知我嚟想占好運，咁我就梗係摸啦。
坐底叫左推介嘅4人餐，諗住通常日本嘢細細碟都要再加，點知嚇我一跳勁多野食，非常豐富，超推介呢個$1480餐👍，餐牌散叫外仲有2人餐選擇。
特選4人前料理
1. 豚肉沙律
2. 海膽卷
3. 刺身四品
4. 鹽燒牛舌免治雞肉串燒
5. 鐵板A4和牛薄燒
6. 鐵板蟹肉炒飯
7. 鯛魚野菜石鍋湯
8. 甜品
首先講吓個沙律，其實出面好少加豚肉，但係切得好薄加埋淡淡地嘅沙律醬，呢個配搭幾特別。
刺身係厚切，我至愛❤️，順序好似食生蠔甘由淡至濃味，蝦、鮑魚，油甘魚、三文魚，食得出係高質刺身，鮮味有光澤！
一定要講個A4薄燒，年中食唔少鐵板燒😬，入口即溶，夠大塊包住多蔥，而且啲蔥唔會太鹹，得喎👍， 加埋個鐵板炒飯炒得超級好，粒粒分明，有味道又乾身，一食鍾情！決定下次要嚟坐吧枱食鐵板燒，同師傅飲酒。
如果唔叫set，下次都可以試吓呢個魚湯，日本人煮湯嘅精髓就係煲到啲魚湯牛乳甘，對皮膚好喎，仲有豆腐，我哋梗係爭住飲，結果唔夠分，太好味啦。唔再嘥錢買飯團公司嘅牛乳湯啦，下次放工黎呢度飲。
話時話，呢度啲店員個個都好親切，同埋好有心機介紹食物同環境，中場又黎換下碟，今時今日真係都好少見呢啲服務啦。
正準備走先發覺原來仲有甜品未食，呢個餐真係冇得頂，啲甜品係新鮮嘅芒果蓉配牛乳布甸。份量唔太多，Just good。
食物、環境、服務都一流，下星期reunion再encore。
张贴
