三代目 (愉景新城)

营业中

休息中

想食日本野行過見到餐牌同價錢都幾吸引。日式裝潢同地方整潔，加分～第一時間點嘅味噌甲羅燒，會配個飯同紫菜，撈混左蟹羔蟹肉、味噌、蛋之後，放一塊紫菜、放少少上d飯，可以食到好厚重嘅蟹羔鮮味。彩虹凱撒沙律同燒油甘魚鮫都好新鮮，沙律有溫泉蛋、紅黃椒、新鮮粟米同沙律菜，好夠味同爽脆。油甘魚肉勁滑，外面燒得焦香，大件嘅，算抵食。火焰雞就偏向川味同少少花生味，勁多青瓜同芫茜，岩哂我口味，好正。至於個炙牛拉麵係新出嘅，一片片薄薄唔韌有炙燒香～整體黎講樣樣都好味，而且價錢唔貴，店員都好有禮貌，會再幫襯。