金子半之助 (利東街)

营业中

休息中

係香港好難搵到好食既天婦羅飯，今次呢間絕對推介。全餐廳只有三種天婦羅飯，自己鐘意食鰻魚，所以點了有穴子的江戶前天丼。餐廳有指引教你食法，不過參考性不大。坐在bar台就可以睇到廚師點樣整呢個天丼。天丼來到時賣相非常不錯，天婦羅放滿整個飯碗，穴子是原條炸的，食落去好肥美，上面仲有一小片柚子令你食落去唔會太油膩。仲有小柱魷魚餅都好好食，係一粒粒瑤柱同魷魚整成，好有口感，其他天婦羅都炸得唔錯，連紫菜都有用天婦羅粉炸過。最特別既係天婦羅溏心蛋，第一次見識，炸完之後仲係流心既，用來撈飯食一流。附送既前菜酸酸地，特別開胃，麵豉湯就正常日本餐廳的水準。總結：呢間天丼好有係食日本天婦羅飯的水準，未試過天婦羅飯一定推介。