漁場台風

营业中

休息中

堂食时间放宽，终于可以再去呢间喜爱嘅拉面舖。首先佢哋装修同其他好唔同，弃传统日式设计走日本动漫风，成个场都甚至连告示都同漫画表达。虽然佢哋播啲动漫歌，我呢个阿姨嚟讲会觉得嘈咗少少，不过拉面都系食一阵啫，唔会坐个几两个钟咁嘛。我钟意食啲带虾味嘅汤头。今次照旧点咗一碗烧海虾味豚骨拉面。樱花虾味道入埋汤头，味道更甜美。虽然日本拉面啲汤头卡路里好高，但我都唔理咁多，会饮埋汤。呢间面条较一幻粗，但一啲都无影响挂汁。面够热、叉烧大块、肥瘦刚好。面条有三个份量选择，女仔200g都已经好够食好够饱，特别大食嘅男士可以叫够300g。 面本身会跟半只蛋。多出𠮶只系之前已经去咗三次，凭单换嘅赠品。溏心蛋整成点，就已经大概知道拉面舖嘅水准。佢哋啲溏心蛋几好食，够入味又唔太熟，所以我系会keep单。（除咗紫菜，跟面嘅其他配料系可以转，换咗赠品又唔想食太多蛋，我会转走跟拉面𠮶半只蛋，皮肤差𠮶排，我就会将笋换走之类。）佢哋跟日本拉面舖做法，日唞卖沾面，夜晚先卖汤面。沾面又系好好食，有机会晏昼去帮衬再写。