京城鴨子 (已結業)

做完嘢俾個朋友捉咗去食個早啲嘅晚餐，諗住去邊度食嘢都會比較少人，本來話去食厚福街嘅嫲嫲辣辣，但係我同佢講上次去食已經轉咗唔係用個熱嘅鍋，而係轉咗煤氣爐熱住佢慢慢食。所以就決定改咗去第二度食，跟住就去咗呢度啦。去到勝在冇乜嘢人，環境亦都舒服，唯一好笑嘅係佢啲木枱唔係平嘅，可能重得滯將張枱都係兩邊微微向下彎嘅。食物方面就帶咗個基本填鴨，跟住仲有砂鍋雲吞雞，四川口水雞，同埋蒜蓉伴脆瓜。其實都冇乜嘢可以詳細講，總之就係一樣嘢都係幾穩陣幾好味，絕對係可以再同朋友返轉頭再食嘅地方。