影片
更多
2020-12-21
38 浏览
今日出開去美孚影下相就行經見到一間米線鋪頭，見到係香港人的米線，緊係要入去食下。環境好新淨，見到門口有個花籃就知係新開，裝修好有特色，入面樓面有d日式風格。位置都好闊落，開頭都以為普普通通食個米線，點知大有驚喜!酸辣豬骨濃湯米線 $29餸另計我就簡左微辣，一黎到見到碗米線，個感覺一d都唔似普通米線，好似cafe既食物咁，好靚，睇得出好有心機去做，我就叫加左蘿蔔同牛柏葉，米線食落係爽口，有彈性，完全唔係食開個d腍哂個d米線，腐竹食得出好新鮮，厚身，入哂味，唔係一張薄皮，亦有蔥，芽菜等配料，而個湯底都好出色，一d都唔會係味精味，真係新鮮濃豬骨湯，真係會想飲埋個湯底。如果好少食辣又想過下口癮都食到個辣度，唔過火又夠喉，牛柏葉就係好細細條咁，爽口，唔會一大舊有排咬，蘿蔔呢個咁普通既餸，佢都可以係勁鮮甜，真係好出色，價錢亦係普遍米線價錢，一定要食。招牌涼拌粉皮$29餸另計朋友簡左小辣，食落個辣度比我個個係重d，粉皮唔厚，好滑，一食就吸左落口，有少少啫喱感覺，餸簡左豬大腸同鴨血，鴨血好新鮮入哂味，食落微辣， 滷水豬大腸亦都係入哂味，炸黃豆，好脆口好香，另外亦有芫荽，麻醬，青瓜做配料，青瓜爽脆加埋芫
環境
好新淨，見到門口有個花籃就知係新開，裝修好有特色，入面樓面有d日式風格。位置都好闊落，開頭都以為普普通通食個米線，點知大有驚喜!
酸辣豬骨濃湯米線 $29餸另計
我就簡左微辣，一黎到見到碗米線，個感覺一d都唔似普通米線，好似cafe既食物咁，好靚，睇得出好有心機去做，我就叫加左蘿蔔同牛柏葉，米線食落係爽口，有彈性，完全唔係食開個d腍哂個d米線，腐竹食得出好新鮮，厚身，入哂味，唔係一張薄皮，亦有蔥，芽菜等配料，而個湯底都好出色，一d都唔會係味精味，真係新鮮濃豬骨湯，真係會想飲埋個湯底。如果好少食辣又想過下口癮都食到個辣度，唔過火又夠喉，牛柏葉就係好細細條咁，爽口，唔會一大舊有排咬，蘿蔔呢個咁普通既餸，佢都可以係勁鮮甜，真係好出色，價錢亦係普遍米線價錢，一定要食。
招牌涼拌粉皮$29餸另計
朋友簡左小辣，食落個辣度比我個個係重d，粉皮唔厚，好滑，一食就吸左落口，有少少啫喱感覺，餸簡左豬大腸同鴨血，鴨血好新鮮入哂味，食落微辣， 滷水豬大腸亦都係入哂味，炸黃豆，好脆口好香，另外亦有芫荽，麻醬，青瓜做配料，青瓜爽脆加埋芫荽多重口感加味道，樣樣都好夾。
麻辣墨魚頭$38
份量夠哂，睇個樣都知新鮮，食落爽口，好鮮墨魚味，佢另外仲有d觸鬚位，大大粒好有咬口，加埋個麻辣同蒜，好香好野味，呢個真係必食既小食，普通米線店邊會有。
泡淑蓮藕尖$38
個樣好得意長長地咁，食落酸酸甜甜，辣度好少，好開胃，好岩做前菜，好開胃，食米線食到咁上下，價一舊都有解辣效果。好特別既小食
玫瑰洛神花茶 （熱）配餐$12
一黎見到個壺我都好驚喜，以為自己去左cafe,估唔到米線鋪會好似去左cafe咁，大開睇唔係茶包，係好足料既花茶，有杞子，橙皮，菊花，玫瑰花，睇落個色紅紅地好靚，好精緻，飲落甜甜地，佢係有加左少量冰糖，開頭以為熱飲會令到食完辣既口會加劇那口，點知飲落好舒服，食完辣野再入反而甜甜地好解辣，好溫和既感覺。呢個熱飲有解辣效果好意外。絕對推介。
蜜桃烏龍茶（凍）配餐$12
飲落開頭係烏龍茶味，之後開始有d蜜桃味出黎，係好清新好香甜既蜜桃味，但佢呢個茶係冇加糖既，唔會有甜味係聞落去有少少水果香甜味，亦睇得出佢茶包有粒粒蜜桃，絕對係足料菜包唔係化學水果味。
整體個感覺好驚喜，好新式既米線鋪感覺，食食下次去左cafe，但又真係可以慢慢食下同朋友吹下水，野食賣相又做到cafe咁，真係米線新體驗，我就一定會再翻桌，睇得出有心機去做，食材都好新鮮好足料
张贴
