Orange Elephant Thai Restaurant (和富)

营业中

休息中

成年无去过旅行，真系好挂住泰国。咁知道北角新开左依间橙象，所以就去试下。咁依到好大好阔，坐得好舒服。咁睇完menu，真心好多选择，见到佢每日都有个$1既today special，咁我当然要试下啦。今日星期三，加＄１要左个酸辣去骨凤爪沙律。本身以为＄１唔会大碟得去边，点知系正常size。佢好入味，酸中带甜再加少少辣，所以系好开胃，你系会不停想食！好彩佢份量够多，所以好够食。个只味真系好有泰国既味道。冬阴公汤底明炉乌头鱼。条乌头好大条好滑，系岩岩好离骨，仲要系大小岩岩好放得哂，最正既系佢放左Ｄ香茅系底，所以煮到条鱼有冬阴既香辣再加香茅既香。之后都有好多菇，成件事好夹。之后再比多碗冬阴汤比我，饮落个味完全唔hea，系真系自己煮，好够味！咖喱海鲜脆包盅。咖喱系正宗泰式咖哩，好彩佢唔系好辣，仲要加左Ｄ蛋，成件事即刻升华左。之后佢入面有青口，虾，鱼，全部都好入味，加埋咖哩真系一流。个包唔会太硬，切细佢之后再点咖哩食又系一绝！椰汁珍多冰同埋特选椰青。椰汁珍多冰唔会太甜，唔会太假，好有椰香，珍多冰唔会太甜。而个椰青真心一流，好清甜好fresh，饮哂之后再食埋D椰肉，真系好想去泰国!