肚餓了串燒烤焗專門店 (已結業)

食過呢間肚餓了串燒烤焗專門店，印像中已經有三至四次， 除咗地點尚算方便之外，每次嚟嘅目的，都係朝住佢哋嘅黃金薯條，即係鹹蛋黃醬炒薯條，真係好好味，我嘅形容係食到停唔到口，又香又脆，送啤酒真係一流，肥是有原因的，不過真的很邪惡。每次嚟到，佢哋都有啲新嘢，除咗不同口味嘅手工啤酒之外，今次食咗西京焗比目魚，性價比相當高，做到少少外面輕微帶脆，裏面非常嫩滑。可能我已經被佢嘅黃金薯條迷住，其他食物，算是不過不失。如果你喜愛手工啤酒的話，有一種帶輕微西柚味，值得一試。